ശ്രീലങ്കയില്‍ കോഴി 'പ്രസവിച്ചു'
- Last Updated on 20 April 2012
- Hits: 17
കൊളംബോ: കോഴിയോ മുട്ടയോ ആദ്യമുണ്ടായത് എന്ന ചോദ്യത്തിന് ശ്രീലങ്കയില്‍ നിന്ന് ഒരു മറുപടി. ഇവിടെ, കോഴി 'പ്രസവിച്ചു', ഒരു കോഴിക്കുഞ്ഞിനെ. മുട്ടയുടെ മേല്‍ അടയിരിക്കുന്ന കോഴിയുടെ ചൂടേറ്റാണ് അത് വിരിയുക. എന്നാല്‍, ശ്രീലങ്കയില്‍ കോഴിക്കുള്ളില്‍ വെച്ച് തന്നെ മുട്ടവിരിഞ്ഞു. 21 ദിവസത്തിന് ശേഷം പുറത്തു വന്നത് ആരോഗ്യമുള്ള ഒരു കോഴിക്കുഞ്ഞ്.
പക്ഷേ, തള്ളക്കോഴി ചത്തുപോയി. കോഴിയുടെ പ്രത്യുത്പാദന സംവിധാനത്തില്‍ രൂപം കൊണ്ട മുട്ട, വിരിയും വരെ അതിനുള്ളില്‍ തന്നെ ഇരിക്കുകയായിരുന്നെന്ന് ജഡം പരിശോധിച്ച മൃഗഡോക്ടര്‍ പി.ആര്‍. യാപ പറഞ്ഞു. ആന്തരിക മുറിവുകളാണ് കോഴി ചാകാന്‍ കാരണമെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമായി.