ਮੁੰਬਈ — ਬਾਜ਼ਾਰ ‘ਚ ਅੱਜ ਜ਼ੋਰਦਾਰ ਗਿਰਾਵਟ ਵੇਖਣ ਨੂੰ ਮਿਲੀ ਹੈ। ਏਸ਼ੀਆਈ ਬਾਜ਼ਾਰਾਂ ਦੀ ਕਮਜ਼ੋਰੀ ਨੇ ਸ਼ੁਰੂਆਤੀ ਕਾਰੋਬਾਰ ‘ਚ ਘਰੇਲੂ ਬਾਜ਼ਾਰਾਂ ‘ਤੇ ਦਬਾਅ ਬਣਾਉਣ ਦਾ ਕੰਮ ਕੀਤਾ ਹੈ। ਫਿਰ ਯੂਰਪੀ ਬਾਜ਼ਾਰਾਂ ਦੀ ਨਰਮੀ ਨਾਲ ਵੀ ਬਾਜ਼ਾਰ ‘ਤੇ ਦਬਾਅ ਵਧਿਆ। ਰੁਪਏ ਦੀ ਕਮਜ਼ੋਰੀ ਨੇ ਵੀ ਘਰੇਲੂ ਸ਼ੇਅਰ ਬਾਜ਼ਾਰਾਂ ‘ਤੇ ਦਬਾਅ ਬਣਾਉਣ ਦਾ ਕੰਮ ਕੀਤਾ ਹੈ। ਸੈਂਸੈਕਸ ਅਤੇ ਨਿਫਟੀ ਤਕਰੀਬਨ 1 ਫੀਸਦੀ ਡਿੱਗ ਕੇ ਬੰਦ ਹੋਏ ਹਨ। ਗਿਰਾਵਟ ਦੇ ਇਸ ਮਾਹੌਲ ‘ਚ ਸੈਂਸੈਕਸ 24700 ਤੋਂ ਥੱਲੇ ਡਿੱਗ ਗਿਆ ਹੈ, ਤਾਂ ਨਿਫਟੀ 7550 ਤੋਂ ਥੱਲੇ ਆ ਗਿਆ ਹੈ।
ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ‘ਚ ਵੀ ਗਾਹਕੀ ਵੇਖਣ ਨੂੰ ਮਿਲੀ ਹੈ। ਬੀ. ਐੱਸ. ਈ ਦਾ ਮਿਡਕੈਪ ਇੰਡੈਕਸ ਤਕਰੀਬਨ 0.5 ਫੀਸਦੀ ਡਿੱਗ ਕੇ 10525 ਦੇ ਨੇੜੇ-ਤੇੜੇ ਬੰਦ ਹੋਇਆ ਹੈ। ਉੱਥੇ ਹੀ ਬੀ. ਐੱਸ. ਈ ਦਾ ਸਮਾਲਕੈਪ ਇੰਡੈਕਸ 0.4 ਫੀਸਦੀ ਦੀ ਕਮਜ਼ੋਰੀ ਨਾਲ 10600 ਤੋਂ ਥੱਲੇ ਬੰਦ ਹੋਇਆ ਹੈ।
ਅੰਤ ‘ਚ ਬੀ. ਐੱਸ. ਈ ਦਾ 30 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ 215 ਯਾਨੀ ਤਕਰੀਬਨ 1 ਫੀਸਦੀ ਦੀ ਗਿਰਾਵਟ ਨਾਲ 24685 ਦੇ ਪੱਧਰ ‘ਤੇ ਬੰਦ ਹੋਇਆ ਹੈ। ਉੱਥੇ ਹੀ ਐੱਨ. ਐੱਸ. ਈ ਦਾ 50 ਸ਼ੇਅਰਾਂ ਵਾਲਾ ਪ੍ਰਮੁੱਕ ਇੰਡੈਕਸ ਨਿਫਟੀ 68 ਯਾਨੀ ਤਕਰੀਬਨ 1 ਫੀਸਦੀ ਡਿੱਗ ਕੇ 7546.5 ਦੇ ਪੱਧਰ ‘ਤੇ ਬੰਦ ਹੋਇਆ ਹੈ। ਅੱਜ ਦੇ ਕਾਰੋਬਾਰ ‘ਚ ਸੈਂਸੈਕਸ 24647.5 ਤੱਕ ਟੁੱਟਿਆ, ਤਾਂ ਨਿਫਟੀ ਨੇ 7535.85 ਤੱਕ ਗੋਤਾ ਲਗਾਇਆ।