ਗੜਦੀਵਾਲਾ, 1 ਅਗਸਤ – ਬੀਤੀ ਰਾਤ ਚੋਰਾਂ ਵਲੋਂ ਪਿੰਡ ਖਿਆਲਾ ਬੁਲੰਦਾ ਵਿਖੇ 2 ਗੁਰਦੁਆਰਿਆਂ ਵਿਚ ਚੋਰੀ ਕਰਨ ਦਾ ਸਮਾਚਾਰ ਹੈ। ਇਸ ਸੰਬੰਧੀ ਸੰਮਤੀ ਮੈਂਬਰ ਦਿਲਬਾਗ ਸਿੰਘ ਖਿਆਲਾ ਬੁਲੰਦਾ ਨੇ ਦੱਸਿਆ ਕਿ ਅੱਜ ਸਵੇਰੇ ਜਦੋਂ ਉਹ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਣ ਗਏ ਤਾਂ ਮੇਨ ਦਰਵਾਜ਼ੇ ਦੇ ਜਿੰਦੇ ਟੁੱਟੇ ਸਨ ਤੇ ਅੰਦਰੋਂ ਗੋਲਕ ਵੀ ਗਾਇਬ ਸੀ, ਜੋ ਕਿ ਬਾਅਦ ਵਿਚ ਖੇਤਾਂ ਵਿਚੋਂ ਮਿਲੀ। ਇਸ ਦੇ ਇਲਾਵਾ ਚੋਰਾਂ ਵਲੋਂ ਪਿੰਡ ਦੇ ਹੀ ਇਕ ਹੋਰ ਗੁਰਦੁਆਰਾ ਸਾਹਿਬ ਵਿਚ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੰਦੇ ਹੋਏ ਜਿੰਦੇ ਤੋੜ ਕੇ ਗੋਲਕ ਚੋਰੀ ਕਰ ਲਈ ਗਈ, ਜਿਸ ਵਿਚ ਲਗਭਗ 10 ਹਜ਼ਾਰ ਰੁਪਏ ਸਨ ਜੋ ਕਿ ਚੋਰਾਂ ਨੇ ਕੱਢ ਲਏ, ਇਹ ਗੋਲਕ ਵੀ ਖੇਤਾਂ ਵਿਚੋਂ ਟੁੱਟੀ ਹੋਈ ਮਿਲੀ ਹੈ।
2 ਗੁਰਦੁਆਰਿਆਂ ਦੀਆਂ ਗੋਲਕਾਂ ਤੋੜ ਕੇ ਨਕਦੀ ਚੋਰੀ
- tweet
-
