ਨਾਜਾਇਜ਼ ਸਬੰਧਾਂ ਨੂੰ ਲੈ ਕੇ ਬੇਰਹਿਮੀ ਨਾਲ ਕੀਤਾ ਨੌਜਵਾਨ ਦਾ ਕਤਲ

ਘੱਗਾ, 25 ਜੁਲਾਈ – ਥਾਣਾ ਘੱਗਾ ਅਧੀਨ ਪੈਂਦੇ ਪਿੰਡ ਸਧਾਰਨਪੁਰ ਵਿਖੇ ਨਾਜਾਇਜ਼ ਸਬੰਧਾਂ ਕਰਕੇ ਇਕ ਨੌਜਵਾਨ ਦਾ ਕਤਲ ਕਰਕੇ ਹਰਿਆਣੇ ਦੀ ਹੱਦ ਨੇੜੇ ਸੁੱਟੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਅਨੁਸਾਰ ਪਿੰਡ ਸਧਾਰਨਪੁਰ ਦੇ ਰਹਿਣ ਵਾਲੇ ਸਲਵਿੰਦਰ ਸਿੰਘ ਪੁੱਤਰ ਦੇਵ ਰਾਮ ਦੀ ਪਤਨੀ ਦੇ ਕਿਸੇ ਗੈਰ ਵਿਅਕਤੀ ਨਾਲ ਲੰਬੇ ਸਮੇਂ ਤੋਂ ਨਾਜਾਇਜ਼ ਸਬੰਧ ਚਲਦੇ ਆ ਰਹੇ ਸਨ। ਮ੍ਰਿਤਕ ਦੇ ਭਰਾ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਜਦੋਂ ਕਿਸੇ ਗੈਰ ਵਿਅਕਤੀ ਨਾਲ ਗੱਲਾਂ ਕਰਨ ਵਾਲੇ ਸਲਵਿੰਦਰ ਸਿੰਘ ਦੀ ਪਤਨੀ ਨੂੰ ਪੁੱਛਿਆ ਗਿਆ ਤਾਂ ਇਸ ਮਾਮਲੇ ਨੂੰ ਲੈ ਕੇ ਆਪਸ ‘ਚ ਝਗੜਾ ਹੋ ਗਿਆ।
ਇਸੇ ਦੌਰਾਨ ਉਹ ਘਰੋਂ ਚਲੀ ਗਈ। ਜਦੋਂ ਸਲਵਿੰਦਰ ਤੇ ਸਤਨਾਮ ਸਿੰਘ ਰਾਜਵਿੰਦਰ ਕੌਰ ਨੂੰ ਲੱਭਣ ਗਏ ਤਾਂ ਉਨ੍ਹਾਂ ਨੂੰ ਅੱਗੋਂ ਸੱਤੂ ਰਾਮ, ਬੀਰੀ ਰਾਮ, ਰੁਲਦਾ ਸਿੰਘ, ਗੋਲਡੀ ਆਦਿ ਮਿਲੇ ਅਤੇ ਲੜਾਈ ਝਗੜੇ ਦੌਰਾਨ ਉਨ੍ਹਾਂ ਨੇ ਕਤਲ ਕਰਕੇ ਲਾਸ਼ ਨੂੰ ਖੁਦਕੁਸ਼ੀ ਦਾ ਰੂਪ ਦੇ ਕੇ ਹਰਿਆਣੇ ਦੀ ਹੱਦ ‘ਤੇ ਸੁੱਟ ਦਿੱਤਾ ਅਤੇ ਹਰਿਆਣਾ ਰਾਜ ਦੇ ਗੂਹਲਾ ਚੀਕਾ ਦੀ ਪੁਲਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਇਸ ਮਾਮਲੇ ਨੂੰ ਲੈ ਕੇ ਥਾਣਾ ਘੱਗਾ ਵਿਖੇ ਵੀ ਲੋਕਾਂ ਦਾ ਭਾਰੀ ਇਕੱਠ ਹੋ ਰਿਹਾ ਸੀ।