പോളണ്ടില്‍ ട്രെയിനുകള്‍ കൂട്ടിയിടിച്ച് 14 മരണം
- Last Updated on 04 March 2012
- Hits: 3
വാഴ്‌സോ: തെക്കന്‍ പോളണ്ടില്‍ രണ്ടു യാത്രാ തീവണ്ടികള്‍ കൂട്ടിയിടിച്ച് 14 പേര്‍ മരിച്ചു. 50 ഓളം പേര്‍ക്ക് പരിക്കേറ്റു. സസ്‌കോസിനിയ്ക്കു സമീപം വാഴ്‌സോ- ക്രാകോ പ്രധാന ാതയില്‍ പ്രാദേശികസമയം രാത്രി ഒമ്പത് മണിയോടെയാണ് അപകടമുണ്ടായത്. സിഗ്നല്‍ തകരാര്‍ മൂലം പാളം മാറിയെത്തിയ ട്രെയിനാണ് അപകടമുണ്ടാക്കിയത്. പരിക്കേറ്റവരില്‍ നിരവധി പേരുടെ നില ഗുരുതരാണ്. പാളം തെറ്റിയ
ബോഗികള്‍ക്കുള്ളില്‍ നിരവധി യാത്രക്കാര്‍ കുടുങ്ങിയിട്ടുണ്ടന്നാണ് കരുതുന്നത്. രക്ഷാപ്രവര്‍ത്തനം തുടരുകയാണ്.
പ്രസ്മിസില്‍ നിന്നും വാഴ്‌സോയിലേക്ക് പോവുകയായിരുന്ന ട്രെയിനും വാഴ്‌സോയില്‍ നിന്നും ക്രോകോയിലേക്ക് പോവുകയായിരുന്ന ട്രെയിനും തമ്മിലാണ് കൂട്ടിയിടിച്ചത്. ക്രോകിയേക്ക് പോവുകയായിരുന്ന ട്രെയിനാണ് പാളം മാറിയോടിയത്. കൂട്ടിയിടിയില്‍ മൂന്നു ബോഗികള്‍ പൂര്‍ണ്ണമായും തകര്‍ന്നു.