ਅੰਮ੍ਰਿਤਸਰ, 27 ਮਈ, (ਏਜੰਸੀ) – ਅੰਮ੍ਰਿਤਸਰ ਪੁਲਸ ਦੇ ਹੱਥ ਉਸ ਵੇਲੇ ਵੱਡੀ ਸਫਲਤਾ ਲੱਗੀ ਜਦੋਂ ਸੀ.ਆਈ.ਏ. ਸਟਾਫ ਨੇ ਮਸ਼ਹੂਰ ਗੈਂਗਸਟਰ ਜੱਜੂ ਦੇ ਮੁੱਖ ਸਾਥੀ ਮਨਪ੍ਰੀਤ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ। ਸੀ.ਆਈ.ਏ. ਸਟਾਫ ਦੇ ਮੁੱਖੀ ਗੁਰਿੰਦਰ ਸਿੰਘ ਨੇ ਦੱਸਿਆ ਕਿ ਫੜੇ ਗਏ ਦੋਸ਼ੀ ‘ਤੇ ਕਈ ਅਪਰਾਧਿਕ ਮਾਮਲੇ ਦਰਜ ਹਨ ਅਤੇ ਇਸ ਦੇ ਕੋਲੋਂ ਇਕ ਪਿਸਟਲ ਅਤੇ ਨਸ਼ੀਲਾ ਪਾਊਡਰ ਬਰਾਮਦ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਉਕਤ ਦੋਸ਼ੀ ਤੋਂ ਕਈ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ। ਇਸ ਫੜੇ ਗਏ ਗੈਂਗਸਟਰ ਤੋਂ ਫਰਾਰ ਜੱਗੂ ਬਾਰੇ ਵੀ ਸੁਰਾਗ ਮਿਲ ਸਕਦਾ ਹੈ। ਜੱਗੂ ਦੀ ਭਾਲ ਪੁਲਸ ਕਾਫੀ ਮੁਸਤੈਦੀ ਨਾਲ ਕਰ ਰਹੀ ਹੈ। ਫਿਲਹਾਲ ਹੁਣ ਵੇਖਣਾ ਹੋਵੇਗਾ ਕਿ ਇਸ ਮਾਮਲੇ ‘ਚ ਪੁਲਸ ਦੋਸ਼ੀ ਮਨਪ੍ਰੀਤ ਸਿੰਘ ਦੇ ਸਰਗਨਾ ਜੱਗੂ ਨੂੰ ਫੜਣ ‘ਚ ਕਦੋਂ ਸਫਲਤਾ ਹਾਸਲ ਕਰਦੀ ਹੈ ਜਿਸ ਦੇ ਨਾਲ ਕਿ ਪੰਜਾਬ ‘ਚ ਲੁੱਟ, ਕਤਲ ਵਰਗੇ ਮਾਮਲਿਆਂ ‘ਤੇ ਰੋਕ ਲਗਾਈ ਜਾ ਸਕੇ।