സൈനിക മൈധാവികളെ വിളിച്ചുവരുത്തില്ല
- Last Updated on 14 April 2012
- Hits: 3
ന്യൂഡല്‍ഹി: സൈനിക മേധാവികളെ വിളിച്ചുവരുത്താനുള്ള നീക്കം പാര്‍ലമെന്റിന്റെ പ്രതിരോധ സ്റ്റാന്റിങ് കമ്മിറ്റി ഉപേക്ഷിച്ചതായി സൂചന. രാജ്യത്തിന്റെ ആയുധശേഷിയെക്കുറിച്ചറിയാന്‍ വേണ്ടിയാണ് സൈനിക മേധാവികളെ വിളിച്ചുവരുത്താന്‍ കമ്മിറ്റി തീരുമാനിച്ചിരുന്നത്. എന്നാല്‍ കമ്മിറ്റിയില്‍ നടന്ന ചര്‍ച്ച പുറത്തറിഞ്ഞതിനെത്തുടര്‍ന്നാണ് ഇപ്പോഴത്തെ ഈ തീരുമാനം.
കമ്മിറ്റിയിലെ ഒരംഗം സ്വകാര്യ ചാനലിന് നല്‍കിയ അഭിമുഖത്തില്‍ ഇക്കാര്യം പറഞ്ഞതോടെയാണ് രഹസ്യവിവരം പുറത്തായത്. അംഗത്തിന്റെ നടപടി ഗുരുതരമായ വീഴ്ചയാണെന്ന് കമ്മിറ്റി വിലയിരുത്തി. ഇത് സമൂഹത്തില്‍ തെറ്റായ സന്ദേശം നല്‍കും.
ഇന്ത്യന്‍ സൈന്യത്തിന് ആവശ്യത്തിനുള്ള ആയുധശേഷിയില്ലെന്നുകാണിച്ച് കരസേനാ മേധാവി വി.കെ.സിങ് പ്രധാനമന്ത്രിയ്ക്ക് കത്തയച്ചത് വന്‍വിവാദമായിരുന്നു. ഇതിനെത്തുടര്‍ന്നാണ് പ്രതിരോധ സ്റ്റാന്റിങ് കമ്മിറ്റി സേനാ മേധാവികളെ വിളിച്ചുവരുത്താന്‍ തീരുമാനിച്ചിരുന്നത്.