ന്യൂഡല്‍ഹി: കോടതിയലക്ഷ്യക്കേസില്‍ ആറ് മാസം തടവിന് ശിക്ഷിച്ച ഹൈക്കോടതി വിധിക്കെതിരെ സി.പി.എം. നേതാവ് എം.വി.ജയരാജന് സുപ്രീംകോടതിയില്‍ അപ്പീല്‍ നല്‍കി. തന്റെ പ്രസംഗത്തിലെ ചില ഭാഗങ്ങള്‍ മാത്രം പരാമര്‍ശിച്ചാണ് കോടതി വിധിയെന്നും മുന്‍വിധിയോടെയാണ് ഹൈക്കോടതി കേസിനെ സമീപിച്ചതെന്നും അപ്പീലില്‍ വ്യക്തമാക്കിയിട്ടുണ്ട്.
ജുഡീഷ്യറിയെ അവഹേളിക്കാന്‍ താന്‍ ശ്രമിച്ചിട്ടില്ലെന്നും ഒരു വിധിയെ വിമര്‍ശിക്കുക മാത്രമാണ് ചെയ്തതെന്നും അപ്പീലില്‍ പറയുന്നുണ്ട്. പൂജപ്പുര സെന്‍ട്രല്‍ ജയിലിലാണ് ജയരാജന് കഴിയുന്നത്. അഡ്വ.പി.വി.ദിനേശാണ് ജയരാജന് വേണ്ടി ഹര്‍ജി ഫയല്‍ ചെയ്തത്.